Kepa Arrizabalaga, markvörður Chelsea, átti nokkuð gott tímabil á síðustu leiktíð sem var hans fyrsta á Englandi.
Kepa er orðinn aðalmarkvörður spænska landsliðsins en hann hefur byrjað þrjá síðustu leiki liðsins.
Það er á kostnað David de Gea sem átti ekki sitt besta tímabil með Manchester United.
Kepa hefur fengið traustið í undanförnum leikjum og skilur það að landi sinn sé leiður á bekknum.
,,Ég mun halda áfram að leggja mig fram, ég geri mitt besta hjá mínu félagsliði til að fá traust þjálfarans,“ sagði Kepa.
,,Sá sem spilar vel hann mun gera vel. Ég skil það vel að David sé leiður, við æfum allir til þess að spila. Þetta er ákvörðun stjórans og þú verður að taka vel í það.“