Carlo Ancelotti, stjóri Napoli, hefur viðurkennt það að stjörnur félagsins gætu farið annað í sumar.
Ancelotti mun ekki reyna að stöðva þá Lorenzo Insigne og Kalidou Koulibaly ef þeir vilja semja við ný lið.
Þó að Napoli þurfi ekki að selja sína bestu menn þá vill Ítalinn hafa ánægða leikmenn í leikmannahópnum sem vilja spila fyrir félagið.
,,Við þurfum ekki að selja bestu leikmennina okkar. Við getum keypt nýja leikmenn sem henta okkar hugmyndafræði,“ sagði Ancelotti.
,,Hins vegar þá mun ég ekki koma í veg fyrir það að einhver fari, ég hef aldrei gert það á ferlinum.“