Aaron Wan-Bissaka, leikmaður Crystal Palace, er að ganga í raðir Manchester United.
Wan-Bissaka kemur til United á 45 milljónir punda en liðið hefur sýnt honum mikinn áhuga síðustu vikur.
Bakvörðurinn stóð sig vel með Palace á síðustu leiktíð en hann er aðeins 21 árs gamall og er mikið efni.
Englendingurinn fær 10 þúsund pund í vikulaun hjá Palace en mun fá 80 þúsund pund á viku hjá United.
Hann er nú mættur til Manchester en Wan-Bissaka var myndaður á Lowry hótelinu í borginni í dag.
Þar er verið að fara yfir öll smáatriði og verða skiptin væntanlega staðfest á næstu dögum.