Toni Kroos, leikmaður Real Madrid, vissi að Bayern Munchen væri að gera mistök árið 2014 er hann var seldur.
Kroos var seldur til Real Madrid eftir að hafa verið einn allra mikilvægasti leikmaður Bayern.
Pep Guardiola var þá stjóri Bayern en hann er ekki talinn hafa samþykkt sölu á leikmanninum.
,,Á þessum tíma þá var það augljóst að Bayern hafði gert mistök með því að selja mig,“ sagði Kroos.
,,Það er rétt að Uli Hoeness [forseti Bayern] hafi viðurkennt það opinberlega og það sýnir hversu frábær hann er.“
,,Ég veit ekki hvort það hafi spilað inn í með brottför Pep Guardiola, hann verður að svara því. Ég get ekki staðfest hvort hann hafi verið á móti sölunni.“
