Arsenal á Englandi er sagt vera að íhuga að selja sóknarmanninn Pierre-Emerick Aubameyang í sumar.
Frá þessu greina ensk götublöð en Unai Emery, stjóri liðsins, fær aðeins 45 milljónir punda til að eyða í þessum glugga.
Aubameyang er líklega eftirsóttasti leikmaður Arsenal og er orðaður við lið í Kína sem myndu borga háa upphæð fyrir hann.
Arsenal hefur áhuga á Wilfried Zaha, leikmanni Crystal Palace, en hann myndi kosta allt að 80 milljónir punda.
Arsenal þyrfti því að selja til að eiga efni á Zaha og er skoðað það að selja Aubameyang sem er helsta vopn liðsins í sókninni.
Ástæðan er sú að Aubameyang er orðinn þrítugur en gekk þó aðeins í raðir Arsenal í fyrra frá Dortmund.