Romelu Lukaku, leikmaður Manchester United, ætlar að komast til Inter Milan í sumarglugganum.
Þetta segir umboðsmaður leikmannsins Federico Pastorello en hann hefur nú þegar fundað með Inter.
Lukaku gaf það út fyrr í sumar að hann væri opinn fyrir því að vinna með Antonio Conte hjá Inter.
Lukaku hefur spilað með United undanfarin tvö ár en hann kostaði félagið 75 milljónir punda.
,,Já Inter er að reyna að fá hann verulega mikið. Lukaku hefur greint frá því hvað hann vill gera. Við sjáum hvað setur,“ sagði Pastorello.
Pastorello á þar augljóslega við að Lukaku sé búinn að ræða við United um það sem hann vilji gera í sumar.