Markvörðurinn Jasper Cillessen hefur skrifað undir þriggja ára samning við lið Valencia á Spáni.
Þetta var staðfest í dag en Cillessen kemur til Valencia eftir þriggja ára dvöl hjá Barcelona.
Cillessen sýndi lítið hjá Barcelona og spilaði aðeins fimm deildarleiki á þremur árum hjá félaginu.
Hollendingurinn er þekktastur fyrir tíma sinn hjá Ajax og var aðalmarkvörður liðsins í nokkur tímabil.
Cillessen á að baki 48 landsleiki fyrir Holland og verður líklega aðalmarkvörður Valencia.
Barcelona fær markmann í skiptum fyrir Cillessen en Neto gengur í raðir liðsins og verður varamarkvörður á næstu leiktíð.