Lið Everton á Englandi hefur fengið til sín miðjumanninn Andre Gomes frá Barcelona á Spáni.
Þetta var staðfest í kvöld en Gomes gerir endanlegan samning við Everton eftir lánsdvöl á Englandi.
Portúgalinn spilaði 27 deildarleiki með Everton á láni á síðustu leiktíð og skoraði í þeim eitt mark.
Hann gengur nú í raðir Everton fyrir 22 milljónir punda eftir þriggja ára dvöl hjá Barcelona.
Gomes samdi við Barcelona frá Valencia árið 2016 og spilaði alls 46 deildarleiki fyrir félagið.
