Tanguy Ndombele, einn eftirsóttasti leikmaður Evrópu, hefur beðið um sölu frá franska félaginu Lyon.
Þetta staðfesti forseti Lyon, Jean-Michel Aulas í dag en Ndombele er orðaður við fjölmörg félög.
,,Hann er að leitast eftir að komast burt. Það hefur ekkert gerst ennþá en dyrnar eru opnar,“ sagði Aulas.
Lyon hefur nú þegar fengið inn miðjumann en félagið keypti Jean Lucas í gær.
Tottenham og Manchester United hafa bæði áhuga á Ndombele sem er aðeins 22 ára gamall.