Dennis Praet, leikmaður Sampdoria, er sterklega orðaður við Arsenal þessa stundina en hann er á förum í sumar.
Það eru ekki allir sem vita það að Praet var á reynslu hjá Arsenal þegar hann var 15 eða 16 ára gamall.
Arsene Wenger, fyrrum stjóri Arsenal, ræddi Praet fyrir leik við Anderlecht í Meistaradeildinni árið 2014.
Praet spilaði sinn fyrsta aðalliðsleik fyrir Anderlecht aðeins 17 ára gamall og var svo seinna farinn til Sampdoria.
,,Þegar hann var 15 eða 1 ára gamall þá kom hann hingað með Kyle Ebecilio sem fór svo í millitíðinni aftur til Hollands,“ sagði Wenger.
,,Hann var skoðaður á þessum tíma en ég vissi ekki af því. Ég þekkti hann ekki þarna – hann var of líkamlega aumur. Síðan þá hefur hann þroskast.“