Manchester United á Englandi hefur sýnt varnarmanninum Raphael Varane áhuga í þessum mánuði.
Varane er stjarna Real Madrid á Spáni en hann er talinn vera einn besti varnarmaður heims.
Samkvæmt fregnum dagsins þá fékk United skýr skilaboð frá Real er liðið reyndi að semja um franska landsliðsmanninn.
Real sagði United að borga 430 milljónir punda fyrir Varane sem myndi gera hann að langdýrasta leikmanni heims.
Það er nokkuð ljóst að United mun ekki borga þessa upphæð fyrir Varane sem er ekki til sölu.
Ole Gunnar Solskjær vill mest fá Varane í sumar en skoðar einnig Kalidou Koulibaly, varnarmann Napoli.