Srdjan Tufegdzic eða Túfa, þjálfari Grindavíkur, sá sína menn tapa gegn Val í Pepsi Max-deild karla.

Túfa var ánægður með frammistöðu sinna manna í dag en eina mark leiksins skoruðu Valsmenn í seinni hálfleik.

,,Mér fannst frammistaðan vera góða og við fáum fyrsta besta góða færa leiksins í fyrri hálfleik er þeir hreinsa á línunni,“ sagði Túfa.

,,Við gerðum allt til að ná eitthvað úr leiknum, leikmennirnir gáfu allt í þetta og ég get ekki beðið um meira.“

,,Þú verður að spila á Hlíðarenda gegn einu best mannaða liði landsins og að sjálfsögðu fá þeir sín hlaup og sín hálffæri. Þeir skora og við ekki, það skilur á milli.“

,,Ég á von á því að styrkja liðið. Ég held að þetta lið þurfi styrkingu og þarf smá hjálp. Það sem strákarnir hafa gert er til fyrirmyndar en við þurfum smá hjálp.“

Nánar er rætt við Túfa hér fyrir neðan.