Carlo Ancelotti var rekinn frá liði Real Madrid í maí árið 2015 en sú ákvörðun kom nokkrum á óvart.
Florentino Perez, forseti Real, ákvað að það væri best að láta Ancelotti fara en hann stýrði liðinu frá 2013 til 2015.
Ancelotti starfar fyrir Napoli í dag en stoppaði stutt hjá Bayern Munchen áður en hann tók við Real.
Ítalinn hefur nú greint frá því af hverju hann var rekinn en hann var ekki á sömu blaðsíðu og Perez.
Eftir að hafa skipt Gareth Bale af velli í leik gegn Valencia árið 2015 þá varð samband þeirra mjög slæmt.
,,Ástæðan fyrir því að allt sprakk á milli mín og Perez var því ég tók Gareth Bale útaf gegn Valencia,“ sagði Ancelotti.
,,Bale hefði átt að gefa boltann á Karim Benzema sem hefði skorað í autt markið en hann tók skotið. Ég tók Bale útaf og allt varð vitlaust.“