Rúnar Kristinsson, þjálfari KR, gat brosað í kvöld eftir sigur á FH í Pepsi Max-deild karla í kvöld.
KR hefur nú unnið sex leiki í röð og situr á toppi deildarinnar eftir sannfærandi frammistöðu í kvöld.
,,Mér fannst við vera miklu betri í dag en FH-ingarnir, nánast allan leikinn. Þeir sköpuðu lítið og við sköpuðum fullt af hættum og ég var kannski ósáttur við að ná ekki að skora annað markið fyrr en það kom,“ sagði Rúnar.
,,Það var óþarfi að hleypa þeim inn í leikinn og gefa þeim þessa litlu von í síðari hálfleik og svo vorum við nálægt því að skora þriðja markið, nær því en þeir að jafna.“
,,Menn fóru aðeins að spara sig í seinni hálfleik og þá fundu þeir svæði sem þeir fundu ekki í fyrri hálfleik og voru aðeins meira ógnandi en ekki mikið.“