Aurelio de Laurentiis, forseti Napoli hefur fengið þau skilaboð að kaupa James Rodriguez, frá Real Madrid.
Carlo Ancelotti, þjálfari Napoli vill vinna með James.
,,James er efstur á óskalista Ancelotti,“ sagði Aurelio de Laurentiis, forseti félagsins.
,,Ég veit ekki hvort við þurfum hann 100 prósent, hann hefur mikla hæfileika.“
,,Ég verð að hjálpa þjálfaranum mínum, hann vill James en ég mun ekki borga alltof mikið.“
James var á láni hjá FC Bayern á síðustu leiktíð en vildi ekki vera þar áfram. Nú reynir Real Madrid að selja hann.