Maurizio Sarri var í gær kynntur, sem þjálfari Juventus. Sarri tekur við Juventus eftir ár hjá Chelsea.

Sarri var ekki glaður í starfi hjá Chelsea og segir það skref upp á við að taka við Juventus.

,,Juve er besta liðið á Ítalíu, þeir buðu mér að koma aftur til Ítalíu. Þetta er mikil viðurkenning eftir langan feril,“ sagði Sarri.

,,Þetta hefur verið langt ferðalag fyrir mig upp stigann, ég er ánægður að vera hjá stærsta liði Ítalíu. Þetta er skref upp á við eftir Chelsea.“

,,Tækifærið kom frá Juventus, toppurinn á ferlinum. Ég ber mikla virðingu fyrir starfinu.“