Goðsögnin Raul Gonzalez er snúin aftur til Real Madrid á Spáni en þetta var staðfest í dag.
Raul hefur samþykkt að taka við varaliði Real Madrid sem leikur í þriðju efstu deild á Spáni.
Raul er eins og áður sagði goðsögn hjá Real en hann lék með liðinu frá 1994 til 2010 og samdi svo við Schalke.
Hann var liðsfélagi Zinedine Zidane hjá Real en hann er einmitt aðalþjálfari Real þessa stundina.
Raul lagði skóna á hilluna fyrir þremur árum síðan en hann eyddi síðustu mánuðunum hjá New York Cosmos í Bandaríkjunum.
Hann er 41 árs gamall í dag og er næst markahæsti leikmaður í sögu Real Madrid.