Lionel Messi, leikmaður Argentínu, skoraði eina mark liðsins í nótt í leik gegn Paragvæ.

Liðin áttust við í riðlakeppni Copa America en leiknum lauk með 1-1 jafntefli. Argentína er með eitt stig eftir tvo leiki.

Það er ljóst að Argentína þarf á sigri að halda í lokaleik riðlakeppninar gegn Katar.

,,Ég sé að liðið er sannfært um það að við munum vinna næsta leik,“ sagði Messi við blaðamenn.

,,Það er í raun frekar pirrandi að ná ekki í sigur til að komast í næstu umferð. Við vissum að þetta yrði erfitt.“

,,Við erum ennþá að reyna við það besta, reyna að sýna bestu frammistöðuna og halda áfram að þroskast.“

,,Það væri klikkun ef við komumst ekki úr riðlinum, þegar nánast þrjú lið komast upp. Ég efast ekki um að við náum því.“