Aurelio de Laurentiis, forseti Napoli, er enginn aðdáandi fyrrum stjóra félagsins, Maurizio Sarri.
Sarri stýrði Napoli frá 2015 til 2018 áður en hann tók við Chelsea og samdi svo við Juventus í sumar.
De Laurentiis er ekki viss um hversu góða hluti Sarri mun gera hjá Juve og er þakklátur fyrir núverandi stjóra Napoli, Carlo Ancelotti.
,,Sarri er alltaf í æfingagallanum, hann öskrar og hann blótar mikið,“ sagði De Laurentiis.
,,Það verður fróðlegt að sjá hvernig hann aðlagast leikstíl nýja liðsins en það verður betra að sjá Carlo Ancelotti vinna Juventus.“
,,Hvað munu stuðningsmenn Napoli sem telja Sarri vera svikara, segja þá?“