ÍA tapaði sínum fyrsta leik í Pepsi Max-deild karla í sumar í kvöld er liðið heimsótti ÍBV í sjöundu umferð.
ÍA var á toppnum fyrir leikinn með 16 stig en ÍBV var á botninum með aðeins tvö og úrslitin því óvænt.
ÍBV vann að lokum 3-2 sigur á Skagamönnum þrátt fyrir að hafa spilað allan síðari hálfleikinn manni færri.
Á sama tíma lyfti KR sér upp í annað sæti deildarinnar eftir leik við KA á heimavelli.
Aðeins eitt mark var skorað í leiknum en Hrannar Björn Steingrímsson varð þá fyrir því óláni að skora sjálfsmark fyrir KA. KR spilaði manni færri frá 52. mínútu eftir rauða spjald Kenni Chopart.
ÍBV 3-2 ÍA
0-1 Tryggvi Hrafn Haraldsson(5′)
1-1 Jonathan Glenn(27′)
2-1 Breki Ómarsson(45′)
3-1 Víðir Þorvarðarson(53′)
3-2 Steinar Þorsteinsson(81′)
KR 1-0 KA
1-0 Hrannar Björn Steingrímsson(sjálfsmark, 66′)