Aurelio De Laurentiis, forseti Napoli, hefur staðfest það að félagið sé að reyna að fá James Rodriguez.
James er á förum frá Real Madrid í sumar en þessi 27 ára gamli leikmaður á ekki framtíð fyrir sér þar.
Carlo Ancelotti, stjóri Napoli, vill fá James í sumar og ætlar forsetinn að hjálpa honum að næla í miðjumanninn.
,,Carlo Ancelotti vill fá James Rodriguez. Ég veit ekki hvort við þurfum 100 prósent á honum að halda en það er ekki hægt að efast um gæðin,“ sagði De Laurentiis.
,,Ég verð að hjálpa mínum þjálfara. Hann vill fá James og ég mun ekki hika, jafnvel þóað hann sé mjög dýr.“