Thiago Silva, leikmaður Brasilíu, var óánægður með hegðun stuðningsmanna liðsins í gær.

Brasilía spilaði við Venesúela í Copa America en leiknum lauk með markalausu jafntefli.

Brasilía fékk fullt af færum til að skora í leiknum og voru þrjú mörk tekin af liðinu vegna VAR.

,,Að mínu mati var þetta óverðskuldað. Venesúela fékk mjög fá tækifæri í leiknum,“ sagði Silva.

,,Við gerðum vel varnarlega og liðið var mjög skipulagt. Við gátum varla sótt hratt á þá því þeir vour svo varnarsinnaðir.“

,,Við vorum góðir í kvöld, í heildina litið. Það er samt svona, þegar þú skorar ekki þá er eins og allt hafi farið úrskeiðis.“