Pierre Emerick Aubameyang, leikmaður Arsenal, er talinn vera einn besti framherji Evrópu í dag.

Aubameyang gekk í raðir Arsenal í fyrra en hann upplifði erfiða tíma sem krakki er hann spilaði í Frakklandi.

Aubameyang spilaði fyrir ófá yngri lið í Frakklandi og viðurkennir það að hann hafi eitt sinn íhugað að leggja skóna á hilluna sem unglingur.

,,Ég lenti í smá vandræðum með hnéð á mér og ég gat ekki hlaupið eins hratt og áður,“ sagði Aubameyang.

,,Ég var ekki eins ástfanginn af fótboltanum í smá tíma og var án félags. Ég var ekki í skóla, ég var bara heima að reyna að hugsa jákvætt.“

,,Ég veit ekki af hverju en ég hugsaði að ég þyrfti að æfa mikið því þú veist aldrei hvað gerist í lífinu, eitthvað getur alltaf gerst.“