Real Madrid hefur fest kaup á sóknarmanninum Eden Hazard en hann kemur til liðsins frá Chelsea.
Félagaskipti Hazard til Real var á allra vörum undir lok tímabilsins og var vitað að hann væri á leið þangað.
Emerson Palmieri, leikmaður Chelsea, segir að Hazard hafi greint frá félagaskiptum sínum í spjalli leikmanna á WhatsApp.
,,Það síðasta sem gerðist í WhatsApp spjallinu var Hazard að segja bless,“ sagði Emerson.
,,Hann sagði bless vil strákana og eftir það þá fengum við ekki að heyra meira. Það var skrítið.“
,,Hann þakkaði fyrir sig og sagðist elska okkur. Svo kom upp: ‘Eden Hazard hefur yfigefið spjallið.’
,,Ég hugsaði bara með mér: ‘Andskotinn, hann fór í alvörunni.’