Kristófer Ingi Kristinsson hefur skrifað undir samning við franska félagið Grenoble Foot 38 en þetta var staðfest í kvöld.
Kristófer er 20 ára gamall sóknarmaður en hann hefur leikið með liði Willem II í Hollandi undanfarin ár.
Hann spilaði sinn fyrsta deildarleik í efstu deild Hollands fyrir Willem gegn PEC Zwolle í apríl í fyrra.
Kristófer var áður samningsbundinn Stjörnunni en hann gekk í raðir unglingaliðs Willem árið 2016.
Samningur Kristófers við Willem rennur út þann 1. júlí og gerir hann samning við Grenoble sem leikur í næst efstu deild Frakklands.