Það eru engar líkur á því að Gareth Bale verði lánaður frá Real Madrid til Bayern Munchen.
Þetta segir umboðsmaður hans Jonathan Barnett en Bale var orðaður við þau skipti á dögunum.
Bale er ekki inni í myndinni hjá Zinedine Zidane, stjóra Real en er þrátt fyrir það ánægður með lífið á Spáni.
,,Hann er ekki að fara á láni. Ég held að hann hafi engan áhuga á því,“ sagði Barnett.
,,Hann lifir góðu lífi og á fallegt heimili á Spáni. Það þyrfti eitthvað ótrúlegt að gerast svo hann færi á láni, það er ekki á dagskránni.“
,,Augljóslega þá hefur staða hans hjá Real ekki lagast.“