Arsenal á Englandi reynir þessa stundina að losa sig við leikmenn til að fjármagna kaup á öðrum leikmönnum.
Unai Emery, stjóri Arsenal, fær aðeins 45 milljónir punda til að kaupa nýja leikmenn í sumar.
Arsenal er að reyna að selja þá Shkodran Mustafi og Mesut Özil en samkvæmt Evening Standard gengur það illa.
Það eru fá lið sem hafa sýnt leikmönnunum áhuga en þeir hafa báðir spilað í þónokkurn tíma með félaginu.
Arsenal vill mest losa sig við Özil en hann fær 350 þúsund pund á viku og setur það önnur lið í erfiða stöðu.
Arsenal mun halda áfram að reyna að selja miðjumanninn sem byrjaði 28 leiki á síðustu leiktíð.