Harvey Elliott, yngsti leikmaður í sögu ensku úrvalsdeildarinnar, er á óskalista spænska stórliðsins Barcelona.
Elliott varð sá yngsti í sögunni í vetur er hann kom inná hjá liði Fulham. Hann var aðeins ný orðinn 16 ára gamall.
Elliott hefur ekki náð að semja við Fulham um nýjan samning og má fara frítt í lok mánaðarins.
Bæði Barcelona og RB Leipzig hafa áhuga á Elliott sem spilar með U17 landsliði Englands.
Elliott spilaði ekki stórt hlutverk á tímabilinu en kom við sögu í tapi gegn Wolves í maí.
