Það eru litlar sem engar líkur á að Matthijs de Ligt skrifi undir hjá Manchester United í sumar.
Þetta segir landi hans Ruud Gullit en De Ligt mun að öllum líkindum kveðja lið Ajax í sumarglugganum.
United hefur verið nefnt til sögunnar en Gullit er nokkuð viss um að Hollendingurinn velji annað félag.
,,Ég held að hann fari ekki til Manchester United því þeir spila ekki í Meistaradeildinni,“ sagði Gullit.
,,Ég held að hann vilji spila í Meistaradeildinni svo það fellur ekki með Manchester United.“