Það væru mistök hjá Paul Pogba að skrifa undir samning við Real Madrid í sumar að mati Robert Pires, fyrrum leikmanns Arsenal.
Pogba gaf það út í gær að hann gæti mögulega verið á förum í sumar og leitar að nýju ævintýri.
Pires telur að Pogba þurfi enn að sýna sitt rétta andlit á Englandi en hann hefur verið töluvert gagnrýndur.
,,Pogba þarf enn að sanna sig í ensku úrvalsdeildinni. Ég veit að þetta tímabil var mjög erfitt,“ sagði Pires.
,,Það eru margir sem tala um félagaskiptin því United borgaði mikið fyrir hann. Það var kannski erfitt.“
,,Ég veit að Real Madrid vill fá Pogba en það mikilvægasta fyrir hann er að halda áfram hjá United sem er eitt besta félag heims.“