Diego Maradona, fyrrum besti leikmaður heims, er brjálaður út í argentínska landsliðið þessa stundina.
Argentína hefur verið í töluverðri lægð síðustu ár og tapaði opnunarleik sínum á Copa America 2-0 gegn Kólumbíu.
Maradona segir að konungsríkið Tonga gæti sett saman landslið og unnið Argentínu. Þar búa aðeins 100 þúsund manns.
,,Þið verðið að átta ykkur á því að Tonga gæti unnið okkur,“ sagði Maradona við TyCsports.
,,Við munum eftir því þegar við yfirgáfum Perú og það var ráðist á rútuna okkar. Hvað er eftir frá þeim tíma? Hvað þýðir það að spila í þessari treyju?“
,,Þú verður að hafa tilfinningar fyrir þessu, andskotinn hafi það.“