Lee Bowyer er óvænt hættur sem knattspyrnustjóri Charlton Athletic á Englandi.
Þetta var staðfest í dag en Bowyer náði frábærum árangri með Charlton á síðustu leiktíð.
Honum tókst að koma liðinu í næst efstu deild á ný eftir ansi erfið undanfarin ár.
Bowyer mun hins vegar ekki stýra Charlton í þeirri deild, hann hafnaði nýju samningstilboði félagsins.
Charlton gaf frá sér tilkynningu þar sem greint er frá því að Bowyer hafi fengið boð um að þrefalda laun sín hjá félaginu.
Hann ákvað hins vegar að hafna því og virtist ekki hafa áhuga á að halda áfram með félagið.