Dean Henderson, markvörður Manchester United, telur að hann eigi skilið að verja mark liðsins á næstu leiktíð.

Henderson er 22 ára gamall Englendingur en hann spilaði með Sheffield United á síðustu leiktíð er liðið tryggði sæti sitt í efstu deild.

Henderson var þar í láni en óvíst er hvort félagið fái að halda honum á komandi tímabili.

,,Að spila í efstu deild hljómar ótrúlega. Það var minn draumur þegar ég var krakki,“ sagði Henderson við the Daily Mail.

,,Þú horfir alltaf á ensku úrvalsdeildina í sjónvarpinu og það gæti verið ég á næstu leiktíð, ég get ekki beðið.“

,,Hvort sem það sé hjá Sheffield eða Manchester United. Ég er nógu góður til að spila í úrvalsdeildinni. Ég á skilið tækifæri.“

,,Það er erfitt að segja hvar en tel ég að ég eigi skilið að spila fyrir Manchester United núna? Já.“