Gianluigi Buffon hefur greint frá því að hann muni ekki spila með Paris Saint-Germain á næstu leiktíð.

Buffon lék 25 leiki með PSG á síðustu leiktíð en hann var fenginn til félagsins frá Juventus.

Ítalinn er 41 árs gamall í dag en möguleiki er á því að hann taki sér árs frí frá fótbolta þar sem hann er án félags.

Það er þó aldrei að vita að við fáum að sjá 42 ára gamlan Buffon snúa aftur í leikinn árið 2020.

,,Ég hef fengið nokkur tilboð en ef ég finn ekki fyrir réttri hvatningu þá tek ég ákvörðun um að taka árs frí fyrir sjálfan mig. Ég mun taka eitt ár í að læra,“ sagði Buffon.