Nasser Al-Khelaifi, forseti Paris Saint-Germain, hefur skotið aftur á sóknarmanninn Neymar sem er helsta stjarna liðsins.

Neymar reynir nú að komast burt frá PSG en hann vill fara í annað lið eftir tvö ár í Frakklandi.

Al-Khelaifi vill aðeins nota leikmenn sem sýna metnað hjá PSG og er ekki hrifnn af því hvernig Brasilíumaðurinn hagar sér.

,,Ég vil leikmenn hingað sem gefa allt fyrir treyjuna og heiðurinn að spila fyrir félagið,“ sagði Al-Khelaifi.

,,Þeir sem skilja það ekki, við getum rætt málin. Auðvitað þarf að virða samninga en nú einbeitum við að þeim sem eru til í verkefnið.“

,,Það er enginn sem neyddi Neymar til að koma hingað, enginn ýtti honum inn. Hann kom vitandi í þetta verkefni.“