Massimiliano Allegri hafnaði því að taka við Chelsea sem leitar nú að nýjum knattspyrnustjóra.
Maurizio Sarri stýrði Chelsea á síðustu leiktíð en hann entist í aðeins eitt ár hjá félaginu og sagði upp í gær.
Allegri var þá rekinn frá Juventus eftir síðustu leiktíð þrátt fyrir að hafa unnið deildina fimm ár í röð.
Paolo Bandini, blaðamaður ESPN, hefur nú greint frá því af hverju Allegri hafnaði boði liðsins.
,,Max Allegri kom til greina sem nýr stjóri Chelsea. Hann vildi þó ekki fara til félags þar sem hann hafði ekki fulla stjórn á leikmannakaupum. Hann hefði ekki getað fengið þá leikmenn sem hann vildi,“ sagði Bandini.
Chelsea getur ekki keypt leikmenn í sumarglugganum en liðið er í félagaskiptabanni þar til næsta sumar.