Ásgeir Aron Ásgeirsson var í kvöld úr starfi hjá ÍR en hann hefur þjálfað liðið í 2.deild karla í sumar.
Ásgeir tók við liðinu fyrir tímabilið en Brynjar Þór Gestsson sagði óvænt upp störfum áður en deildin fór af stað.
ÍR féll úr Inkasso-deildinni á síðustu leiktíð en situr nú í 10. sæti 2.deildarinnar þegar sjö umferðum er lokið.
Tilkynning ÍR:
Knattspyrnudeild ÍR hefur ákveðið að segja upp samningi Ásgeirs Arons Ásgeirssonar sem verið hefur annar tveggja þjálfara meistaraflokks karla í 2.deild.
Ásgeir hóf störf hjá ÍR sem aðstoðarþjálfari flokksins hausti 2016 og gegndi hann því starfi þar til í mars á þessu ári þegar hann tók við aðalþjálfarastarfinu vegna forfalla Brynjars Þórs Gestssonar.
Ásgeiri Aron eru þökkuð fórnfús störf í þágu knattspyrnunnar hjá ÍR og óskað velgengni í komandi verkefnum hans sem þjálfari.
Jóhannes Guðlaugsson myndaði ásamt Ásgeiri þjálfarateymi meistaraflokks og tekur hann nú alfarið við starfinu.
Ráðið verður í stöður aðstoðarþjálfara hans á næstu dögum og verða fluttar fréttir hér á síðunni þegar teymið hefur verið fyllt.