Manchester United er tilbúið að borga 45 milljónir punda fyrir varnarmanninn Issa Diop hjá West Ham.
Sky Sports greinir frá þessu í dag en Diop stóð sig með prýði á sínu fyrsta tímabili á Englandi á síðustu leiktíð.
Diop spilaði 38 leiki fyrir West Ham en hann var keyptur fyrir 22 milljónir punda frá Toulouse.
United er reiðubúið að tvöfalda þá upphæð og mun einnig bjóða West Ham leikmann í staðinn.
United vill fá hafsent í sumarglugganum og skoðar Diop ásamt Harry Maguire og Kalidou Koulibaly.
West Ham er þó ekki að leitast eftir því að selja Diop og mun vilja fá allavegana 60 milljónir punda fyrir hafsentinn.
