Ólafur Jóhannesson hafði ekki of mikið að segja í viðtali eftir leik við ÍBV í Pepsi Max-deild karla í kvöld.

Íslandsmeistararnir mættu öflugir til leiks á Hlíðarenda í kvöld og unnu góðan 5-1 sigur á Eyjamönnum.

,,Þetta var fínn leikur af okkar hálfu og það er fagnaðarefni,“ sagði Óli eftir leikinn.

,,Við erum svosem ekkert að gera neitt öðruvísi. Við spiluðum ekkert alslæma leiki gegn FH, Stjörnunni og Blikum en nú datt það með okkur.“

,,Við spiluðum bara mjög vel, ég var ánægður með það.“

,,Árið í fyrra er búið, ég er ekkert að pæla í því en ég er ánægður með leikinn. Ég var ánægður með að fá stigin þrjú.“

,,Spilamennskan var frábær og við uppskárum þrjú stig útaf því.“