Liverpool tryggði sér sæti í úrslitaleik Meistaradeildarinnar í kvöld eftir sigur á Barcelona.
Barcelona vann fyrri leikinn 3-0 á eigin heimavelli og var því í frábærri stöðu fyrir leik kvöldsins.
Liverpool vann þó ótrúlegan 4-0 heimasigur án þeirra Mo Salah og Roberto Firmino sem voru meiddir.
Þeir Georginio Wijnaldum og Divock Origi skoruðu báðir tvennu í leiknum og tryggðu Liverpool áfram.
Seinna mark Origi sá um að koma liðinu áfram en það kom á 79. mínútu eftir hornspyrnu.
Trent Alexander-Arnold var þá fljótur að hugsa og gaf boltann snögglega úr horninu en varnarmenn Barcelona voru sofandi.
