Paris Saint Germain hefur áhuga á að semja við James Milner, miðjumann Liverpool. Ensk blöð fjalla um málið.
Samningur Milner við Liverpool er senn á enda, hann hefur ekki viljað taka ákvörðun um framtíðina.
Þegar allt stefnd í að uppeldisfélag hans Leeds færi upp í ensku úrvalsdeildina, var talið að Milner færi þangað. Leeds klikkaði hins vegar á ögurstundu og fór ekki upp.
Milner gæti spilað sinn síðasta leik fyrir Liverpool á laugardag gegn Tottenham, í úrslitum Meistaradeildarinnar.
Milner er 33 ára gamall en PSG er að fá Ander Herrera frítt frá Manchester United og gæti nú sótt Milner.
