Það er útlit fyrir það að Chelsea verði án lykilleikmanns í úrslitaleik Evrópudeildarinnar gegn Arsenal á miðvikudag.
Frá þessu greina enskir miðlar í kvöld en Chelsea spilar við Arsenal í Aserbaídsjan í næstu viku.
N’Golo Kante, miðjumaður Chelsea, verður ekki með eftir að hafa meiðst á æfingu á laugardaginn.
Læknateymi Chelsea fer nú yfir hversu alvarleg meiðslin eru en það er nánast fullyrt að Kante taki ekki þátt.
Það er gríðarlegt áfall fyrir þá bláklæddu en Kante er einn allra mikilvægasti leikmaður liðsins.
