Uli Hoeness, forseti Bayern Munchen, segir varnarmanninum Jerome Boateng að yfirgefa félagið.
Boateng hefur spilað með Bayern undanfarin átta ár en er orðinn varamaður á eftir þeim Niklas Sule og Mats Hummels.
Hoeness er til í að leyfa sínum manni að fara í sumar og telur að hann þurfi á nýrri áskorun að halda.
,,Sem vinur hans þá ráðlegg ég honum að yfirgefa félagið,“ sagði Hoeness í samtali við Sky Sports.
,,Hann þarf á nýrri áskorun að halda, það er eins og hann sé ekki á réttum stað í dag.“