Nabil Fekir, fyrirliði Lyon í Frakklandi, má yfirgefa félagið en þetta hefur forseti franska liðsins staðfest.
Fekir var hársbreidd frá því að yfirgefa Lyon síðasta sumar en hann gekkst undir læknisskoðun hjá Liverpool.
Ekkert varð þó úr þeim félagaskiptum á endanum og kláraði Fekir þetta tímabil með Lyon.
Jean-Michel Aulas, forseti Lyon, staðfesti það eftir lokaleik frönsku deildarinnar í gær að Fekir mætti fara.
Lyon býst við því að missa leikmanninn í sumar en nokkur lið eru sögð hafa áhuga á franska landsliðsmanninum.
Fekir er samningsbundinn til næsta árs en hann skoraði 12 mörk í öllum keppnum á tímabilinu.
