Rúnar Alex Rúnarsson og félagar í Dijon eiga enn möguleika á að bjarga sé frá falli í Frakklandi.
Gengi Dijon hefur verið erfitt á tímabilinu en liðið vann þó þrjá af síðustu sex deildarleikjum sínum.
Síðasta umferð Frakklands fór fram í kvöld og vann Dijon 2-1 heimasigur á Toulouse þar sem Rúnar var í markinu.
Dijon hafnar því í 18. sæti deildarinnar og mun spila umspilsleik um að halda sæti sínu í efstu deild.
Caen var í betri stöðu en Dijon fyrir leiki kvöldsins en tapaði 1-0 heima gegn Bordeaux og fer niður ásamt Guingamp.
Dijon mun spila við Lens í leik um hvort liðið spilar í efstu deild á næstu leiktíð. Lens komst í umspil í næst efstu deild.