Julio Baptista, fyrrum leikmaður Real Madrid og Arsenal, hefur ákveðið að leggja skóna á hilluna.
Þetta staðfesti Baptista í gær en hann hefur undanfarið ár leikið með CFR Cluj í Rúmeníu.
Baptista er þekktastur fyrir tíma sinn á Spáni þar sem hann lék með Sevilla, Real og Malaga.
Hann var einnig lánaður til Arsenal sumarið 2006 og lék þá með Roma á Ítalíu frá 2008 til 2011.
Baptista er 37 ára gamall í dag en hann lék 47 landsleiki fyrir Brasilíu á ferlinum og skoraði fimm mörk.