Robin van Persie hefur nú lagt skóna á hilluna en hann endaði ferilinn hjá Feyenoord í heimalandinu.
Van Persie átti magnaðan feril en er þekktastur fyrir tíma sinn hjá Manchester United og Arsenal.
Hollendingurinn samdi fyrst við Arsenal á Englandi en vann svo sinn eina Englandsmeistaratitil með United.
Hann var í dag beðinn um að nefna besta leikmann sem hann hefur spilað með á ferlinum.
Van Persie gat hins vegar ekki nefnt einn mann og ákvað því að velja sex leikmenn.
,,Það er svo erfitt að nefna einn. Ég myndi velja Dennis Bergkamp, Thierry Henry, Ryan Giggs, Paul Scholes, Wayne Rooney og Ruud van Nistelrooy,“ sagði Van Persie.