Jose Mourinho, fyrrum stjóri Real Madrid og Manchester United, hefur sterklega verið orðaður við Juventus undanfarið.
Juventus leitar að nýjum stjóra fyrir næsta tímabil en Massimiliano Allegri lætur af störfum í sumar.
Nokkrir hafa verið nefndir til sögunnar en þá helst Mourinho sem hefur verið án félags síðan í desember.
Mourinho mun hins vegar ekki taka við starfinu en þetta fullyrða heimildarmenn Sky Sports.
Cristiano Ronaldo, landi Mourinho, hvatti félagið til að ráða hann til starfa en hann verður ekki fyrir valinu.
Ronaldo hafði áhuga á að vinna með Mourinho á ný en þeir voru saman hjá Real á sínum tíma.