Timo Werner, ein helsta stjarna RB Leipzig, mun líklega ekki spila með liðinu á næsta tímabili.
Þetta staðfesti Ralf Rangnick, stjóri Leipzig, í gær en Werner er eftirsóttur af fjölmörgum liðum í Evrópu.
Hann er samningsbundinn Leipzig til næsta árs en vill ekki framlengja samning sinn við félagið.
,,Staðan er sú að ef hann skrifar ekki samninginn þá ætti hann að skipta um félag,“ sagði Rangnick.
,,Hann hefur látið okkur vita og gefið í skyn að hann ætli ekki að framlengja samninginn.“
