Það ætlar ekkert að ganga upp hjá Íslandsmeisturum Vals í sumar en liðið mætti FH í kvöld.

Valur þurfti að sætta sig við þriðja tap sumarsins í Hafnafirði en FH hafði betur, 3-2.

Sigurmarkið skoraði Jakup Thomsen fyrir FH undir lok leiksins og lyfti liðinu upp í 3. sæti deildarinnar.

Hér má sjá það góða og slæma úr leiknum.

Plús:

Ólafur Karl Finsen var afar öflugur framan af leik í liði Vals, liðið lok með framliggjandi miðjumann og sóknarleikurinn bar þess merki. Gary Martin hefði möglega hentað leikstíl Vals betur með Ólaf Karl með sér. Kórónaði frábæran leik með góðu skallamarki.

Kristinn Steindórsson fer hljótt um en gerir hlutina á miðsvæði FH afar vel, heldur vel í boltanum og skilar honum vel frá sér.

Steven Lennon, góðir hálsar. Var ný mættur til leiks þegar hann nelgdi boltanum í netið. Magnað mark, hans fyrsta í sumar. Hefur verið meiddur en endurkoma hans, styrkir FH mikið. Lagði svo upp sigurmarkið.

Mínus:

Vignir Jóhannesson, sem stendur nú vaktina í marki FH gerði sig sekan um hræðileg mistök í jöfnunarmarki Vals. Hann ætlaði að kýla boltann en hreinlega hitti ekki boltann.

Orri Sigurður Ómarsson braut afar klaufalega á sér í vítaspyrnunni sem FH fékk, bauð dómara leiksins upp í dans.

Varnarmenn FH fá bara sviðskrekk þegar föst leikatriði eiga sér stað. Svona var sagan síðasta sumar og hún heldur áfram.

Valur hefur á að skipa landsliðs bakverði, miðvörðum sem hafa sannað sig í deildinni og Bjarna Ólafi Eiríkssyni sem hefur verið besti vinstri bakvörður deildarinnar síðustu ár. Fyrir aftan þá er svo Hannes Þór Halldórsson, varnarleikur liðsins er samt í besta falli slakur. Barnaleg mistök, menn að horfa á boltann og fleira til.